香港新浪網 MySinaBlog
« 上一篇 | 下一篇 »
萊爾 | 19th Aug 2009 | 食評 | (329 Reads)

Picture

 

上星期試了大快活新推出之西班牙海鮮炒飯,有飯有龍蝦湯有一杯Virgin Sangria賣約$40,味道竟出奇地好。

先講講個湯先,雖然都是龍蝦湯粉開,但沒有如一般快餐店西湯稀dell dell,飲落是比較厚身但又唔會漿糊似的,湯中再加幾隻蝦仔,以快餐來講我收貨了。跟住到主角西班牙海鮮炒飯,講正宗當然是冇可能,但佢又不至於亂來,飯是否華倫西亞來之長米唔敢講,但肯定唔係平時之白米,一粒粒煮至少少硬而沒有軟爛,再加上番紅花粉之香氣及顏色,這飯是合格了,配料只有幾隻蜆及一塊剪香了之魚柳,冇魚冇青口冇蝦,但收你四十蚊還想點?用鑊仔上熱騰騰亦更有風味。那杯Sangria話到明Virgin就當然冇紅酒,應該只是梳打水溝了些紅糖水,再加一點橙皮粒,味道淡淡的不是特別好飲但可以接受。我覺得大快活近年的新款食品有新意得來亦有質素,很多出品特別是意粉更是三大快餐集團中做得最好的,值得多些支持。