香港新浪網 MySinaBlog
« 上一篇 | 下一篇 »
萊爾 | 1st Sep 2009 | 食評 | (924 Reads)

 Picture

早前香港咖啡紅茶協會舉辦了第一屆「金茶王大賽」,結果公司組冠軍由這間位於元朗洪水橋的大發餐廳奪得,本身自己是一名熱愛港式奶茶之人,甚麼蘭芳園金鳳檀島等,自己老早試過哂,聽到有這間冠軍級人馬,立即當然慕名去試了。

這日是閒日三點零鐘,餐廳竟差不多坐滿客人,的確成了名不可同日而語,餐廳格局是屋邨茶餐廳格局,那些用防火膠板造之卡位,檯面總是有點「痴立立」,地上總是有些垃圾,相信大家都能想像得到吧,點了一份下午茶餐,鹹牛肉蛋治烘底加招牌熱奶茶,

Picture

Picture 

那鹹牛肉蛋治普普通通,一般茶餐廳水準,同澳洲牛奶公司比當然就差好遠了,但不打緊,奶茶才是今日的主角,味道的確是好的,茶與奶之比例洽當,夠熱有茶香入口亦幼滑,但如你問我是否曾經飲過之中最好的奶茶呢?我會話我係中環蘭芳園舊店飲過的更好,但我明白比賽與實際工作是兩回事,精心咁調制幾杯參加比賽與在餐廳工作時不斷咁沖必然有分別,但佢始終都是一杯出色的奶茶,最窩心是走時俾錢,老板又問我係唔係頭一次來,又問我好唔好飲,又說今日客人比較多拓招呼得唔係咁好,最後打了個折俾我叫我多啲來幫襯,雖然只是慳了一兩元,但這就是這種街坊小店所獨有的人情味了。

留言(0) | 引用(0) | 話題(食事)